Fidelio
Über uns
email

Weil mer nit nur käjele wollt,
und de Jemeinschaff blieve sollt,
trof mer sich an ene Winterovend,
un dacht ens noh üvver Fastelovend.

"Mer künnt doch", dat wor de Idee,
"ens met nem Zoch jon, eets en Kalk,
villeich späder sujar ens he."
"Ne eijene Zoch duch Höhenberg maache,
dat schaffe mer doch, dat wör doch zom Laache".

 

 

De Idee wod verwirklicht,
und dat es uns klor,
de Jeckerei durt jitz schon 25 Johr
.

Manch schöne neue Jrupp  dät beim Zoch metmaache,
hätt dolle Ideen un bräng Höhenberg zum Laache.
Un dat unsere Zoch nit alles es,
dat weiß janz Höhenberg, dat es janz jewess.

 

 

25 Johr Spaß un Initiative,
mer meint do dörv nix mih üvverig blieve.
Dat dat nit dä Fall wor,
dat merk unser Trüppche,
jejründet woten neu Jrüppche
.

 

En Scheffstour, en Zeltfeß, un och en Ralley,
dat alles unger däm Motto: Kamelle, Kamelle!
Zum 10.Jebotsdach op jede Fall,
fierte mer unsere ezte Ball.

 

Un dä Spaß dä jeit noch vill vill wigger,
ob ärm, ob rich, ob Hungerligger,
jeder es he opjerofe,
sich freud Freud zo maache un zo schwoofe
.

 

Denn mer meine:
Dä schönste Spruch he op dä Äd,
es doch dä Kölsche Klaaf,
uns Muttersproch esu leev un wät,
mer rufe üch zo

 - Kölle Alaaf! -

 

 

 

 

Achim Machulla

[Home] [Über uns] [Ball 2016] [Pin 2015] [Kontakt] [Links] [Archiv]